مبروووووووووووك خطوبة مدير المنتدي

استعرض الموضوع السابق استعرض الموضوع التالي اذهب الى الأسفل

مبروووووووووووك خطوبة مدير المنتدي

مُساهمة من طرف zouhair eddaraki في الإثنين 28 فبراير 2011 - 7:51

كان المدير مرتبط بموعد مع العروس وأهلها

ليتقدم إليها بس مش عايز يقفل المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقه للمنزل راكب التاكسى

بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء......قالهم لازم اتابع شغلي على النت

والد العروس: أهلا يابنى ... ....كيف حالك !!

المدير(وهو مشغول بلوحة مفاتيح اللابتوب): أهلا بيك يا عمى .....

أنا يشرفنى إنى أطلب إيد بنتك مها .....موافق ولا لاء؟!!!!

تبادل كلا من والد العروس ووالدتها وأخيها نظرات الدهشة

والد العروس(مستغرب): حضرتك بتكلمنى ولا بتتكلم مع حد على النت؟

المدير(مازال منشغلا بلوحة المفاتيح): لا يا عمى أنا بكلمك إنت هو معقولة
أتكلم مع حد غيرك وأنا قدام حضرتك!!!

والدة العروس: طب يا استاذ طالما بتتكلم معانا بوصلنا

المشرف(لم يرفع عينه ويديه من على جهازه):ليه يا حج؟ هو انا هاتكلم من عينى واللا من فمى ؟؟!!!!

إقترب الولد الصغير(8سنوات) من العريس مبهور باللابتوب وهو يقول:

عمو .....هو الجهاز ده فيه العاب كتيرة زي البلاي ستيشن اللي عندي؟!!

العريس(مازال منشغلا بجهازه): أيوة يا حبيبى وأحلى من الى عندك كمان

الصبى: طيب ممكن ألعب شوية .. ...علشان خطرى يا عمو

(هنا فقط رفع العريس عينه من على جهازه لأول مرة وتوقف عن الكتابة
وهو يوشوش فى أذن الصبى)

العريس: لو خليت أبوك يوافق عليا .. هاخليك تلعب كتيييييييييير

طار الصبى فرحا وهو يقول

بابا بابا أنا موافق إن عمو يتجوز أختى مها!!!!!!

ثم إلتفت إلى العريس وهو يقول

ألف مبروك يا عمو!

الوالد(صارخا): إمشى ياد من هنا (إغرب عن وجهى )! .... مافيش عيرك إنت يا أبو ريالة اللي هاتقرر!

(مشى الولد باكيا ولم يهتم به العريس وقد عاد إلى جهازه منشغلا)

الوالد: إنت يا حبيبى إنت كمان .....إنت إيه حكايتك ؟

العريس: حكاية إيه يا عمى .....أنا معنديش حكايات إنت عندك؟!!!

الوالد(بغيظ): إنت جاى تهزر وتلعب يعنى؟

(لم يعطيه العريس أى إهتمام وقد ظهر مشغولاً بموضوعٍ ما على جهازه)

فإقتربت الأم من الوالد وتكلمت هامستاً

إيه رايك يا حج..الظاهر انه عريس مجنون ومش طبيعى !

(دخلت العروسة فى هذه اللحظة مكثوفه وهى تنظر إلى الأرض
وماسكه فى إيديها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة نهار أبوها إسود ده المدير )

العريس(صارخاً): إيه اللي إنتى عملتيه ده! انتي عامية! .....إنتى إزاى تفصلى الجهاز!!


الوالد: إيه يابنى قلة الزوق دى... إنت بتزعق لعروستك وإنت جاى تتقدملها؟!!

دا بدل ما تساعدها إنها تقوم وتطيب خاطرها لأنها انحرجت انها إتكعبلت قدامك!

العريس: يعنى أساعدها تقوم ولا ألحق أشغل الجهاز عشان المنتدى ما يتعطلش؟!!

الأب: انت إيه الى عايزه مننا؟ إحنا معندناش بنات للجواز!

انتي عرفتيه منين يا بنت؟

العروسة: من النت يا بابا.....من النت

الأم: الله يقطع النت واللى بيدخلو النت ! (من غير ضرب )

يا رب تيجى عاصفة تسونامي على النت والى فيه!!!!!

الأب:ممكن يابنى تقفل النيلة اللي معاك وتتكلم معاناشوية

العريس: خلاويص يا عمى النائب(الى هوه المساعد بتاع المدير يعنى ) بتاعى جيه أهو

إلتفت الجميع حولهم يبحثون عن ذلك النائب فضحك الموديراتور

العريس (ضاحكا): لأ يا جماعة أنا اقصد إن النائب بتاعى أخذ مكانى
فى المنتدى..

يعنى أنا الآن جاهز لأى إستفسار لمدة ربع ساعة

الأب: لا حول ولا قوة إلا بالله .....طيب يابنى طالما انت مش فاضى ليه حددت الميعاد ده ؟

كان لازم تحدد معاد تكون فاضي فيه!

العريس: يا عمى خير البر عاجله

الأب: طيب..... إحنا لسة متعرفناش بإسمك ولا وظيفتك
ولا عمرك ولا شهادتك ولا أى حاجه عنك!

العريس: أنا اسمى (Sound) ده الإسم المستعار بتاعى !

الام : اسمك إيه ؟ انت منين حضرتك؟ عمري ما سمعت بالاسم ده!

ضحكت العروسة وهى تقول: لا يا ماما دا النيك نيم بتاعه..وااااو شوفتو قد إيه إسم حلو .......بموت في اسمك انا يا استاذ

الأم: اسمك إيه يا ابني؟!

العريس: خلص يا جماعة .....أنا إسمى علي وعمري 20 سنة

ووظيفتي مدير عام على منتدى الفقر مش عيب.....


نظر الأب إلى المشرف وملابسه البسيطة غير المتناسقة وهو يقول
سيماهم على وجوههم ‍‍‍‍!!!

العروسة(مبتسمة): بجد إنت أكيد أكيد المدير بتاع منتدى الفقر مش عيب!!
أنا مشتركة فيه من 5 شهور

العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر راحة ....من الآخر!

العروس: أنا عملت كدة عشان عارفة انك جاى تخطبنى

مش انت بعتلي رسالة خاصة؟ من وقتها وانا طايره من الفرح ..عايزاك تشوفني احلى عضوة في المنتدى!
avatar
zouhair eddaraki
النائب العام
النائب العام

الجنس : ذكر
المزاج :
العمر : 26
عدد الرسائل : 301
تاريخ الميلاد : 28/11/1991
مستوي تعليمي : t.c
نقاط التميز : 2155040647
تاريخ التسجيل : 25/02/2011
احترام المنتدى :
عارضة الطاقة :
55 / 10055 / 100


الرجوع الى أعلى الصفحة اذهب الى الأسفل

رد: مبروووووووووووك خطوبة مدير المنتدي

مُساهمة من طرف aitlahcen.abdellatif في الإثنين 28 فبراير 2011 - 14:35

avatar
aitlahcen.abdellatif
المدير العام
المدير العام

الجنس : ذكر
المزاج :
العمر : 25
عدد الرسائل : 617
تاريخ الميلاد : 05/05/1992
مستوي تعليمي : bac
نقاط التميز : 2157815647
تاريخ التسجيل : 14/08/2008
احترام المنتدى :
عارضة الطاقة :
100 / 100100 / 100


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى